終於理財

我懷疑我自己係咪真係咁忙,
前幾日拎本存摺出黎驚覺我自從前年十一月後
就沒有再打過簿, 太過份喇!

於是今朝終於死去銀行出過本新簿仔,
櫃位小姐應該都覺得面前的人太過離譜,
彈出一句:
[小姐你緊係好耐冇打簿喇~~~]
[係...呀.....]
我自覺自己好像小學生被老師問:
[同學仔你緊係好耐冇剪頭髮..]

我神經地覺得她有先瞄了一瞄我的存摺, 又問:
[小姐有冇做開咩儲蓄計劃咁呀?]
[冇...呀...]
幻覺同上.
[咁駛唔駛攞D資料睇下呀?] 小姐說時正用鉸剪了結我的陳年簿仔...
[唔...啦.] - 乜都NO左先, 咪煩.
小姐繼續手持我的新簿仔一面按著鍵盤望著mon又講:
[因為宜家D錢擺O係戶口都係零利息, 即係0.0000......咁不如.........咁咁咁咁]
[唔.....咁有咩plan 呀??]  ----- 突然開竅!!!!
語氣平淡的小姐也隨著我的180度轉軚而作了45度的轉身動作, 面向了我,
微笑地回應: [你等等~~~]

就這樣把我帶到理財顧問先生的位置,
理財顧問先生以'他和我的DJ同事是中學同學'展開話題,
感覺良好, 我不喜歡吹水不抺嘴的推銷招數,
看著類此的數據分析表 , 雖然天生欠sense,
也得告訢自己這是未來的藍圖, 只會多不會少.
多謝理財顧問先生的耐心分析,
雖然有時候被我截斷他欲深入的理財概念,
請在有限時間內給我淺出的訊息!

哈, 他們真的好像廣告裏面的那樣'天使化'~

其實幾年前大家都提醒我要去理-財-策-劃,
一直拖拖拖, 內裏就是保守地覺得血汗錢還是原封不動比較安樂.
像阿婆般放在鐵皮箱看著它們好過放在別處險中積金,
我平平淡淡得架喇～～～

全世界都幹著的事, 自知已遲了十多年,
對的, 為自己著想, 為未來打算,
五年計劃好快過, 試著吧!

* 值得一提, 它有個失業延繳保障, 就算黑仔被裁都可以唔供住, 呢樣ok喎, 世事難料嘛~